احلفت ماجالس الی ماعرف هم
ولا بایع صبیهم إو ماعرف هم
چنت معرف سعاده او ماعرف هم
أصبحت اعرف خویی ابهل دنیه ( ابویاسر )
💓💓 💓
صفت مسکن الی یاناس بیدای
عله الی راح گلبی دوم بیدای
حفرت امکان نوم ال ابد بیدای
منامی اویاه اریدنه سویه ( ابویاسر )
💓💓💓
قیر الی تنظره العین موحد
اوحده بهلی ال اجل یا صاح موحد
علیه الیوم اشوف الدهر موحد
اجابل ولیصیر ایصیر بیه ( ابویاسر )
💓💓💓
حده ابحدبه لی ظوی ابلیل حدبه
إو صحت تانی اشوف البیل حدبه
الدرب عوسج ورید ابراض حدبه
ا خلص ما ظل جسم سالم علیه ( ابویاسر )
💓💓💓
تنام الیل حته الوحش وآدم
إو حوا ماحچت بشعار وآدم
ابد متزال لحم اوعظم وآدم
حته بل لحد نامو سویه ( ابویاسر )
💓💓💓
انجمعت کل همومی ابوکت وسنای
لو طل مایفیده السحت وسنای
کتلنی الدهر یا هل ناس وسنای
صبحت ابکل عریضه آنطر علیه ( ابویاسر )
💓💓💓
اجعوده غطن احیوله ولیفای
أبحر الشوگ اشو مقرق ولیفای
حمل نور الشمس کلهه ولیفای
رضا ابدخلت ال ویلن بس سویه ( ابویاسر )
💓💓💓
لیالی الفرح لیه آردود عیدن
الی عتبه اویه حرف العین عیدن
انه افرح یوم اثور ابعدل عیدن
السجن وعدام مایصعب علیه ( ابویاسر )
💓💓💓
علیه ابصوتهه المرفوع نادت
انظرتهه أو دمعت العینین نادت
روحی امنل قهر یاناس نادت
طلبت الموت لاکت ما تهیه ( ابویاسر )
💓💓💓
احترگت ابشوگ ساه العین وصلیت
إو روحی اعلیک حد الموت وصلیت
اوحیاتک لویصیر الگلب وصلیت
چان انکتب اسم العم علیه ( ابویاسر )
💓💓💓
ابوصالک طاب کل الجرح والم
اوبصرک دوا لل دلال والم
بقیت اعتب عله اهلک دوم والم
السبب هما امنعو وصلک الیه ( ابویاسر )
💓💓💓
اترکت کل الحچی یاصاح ونسیت
ابقیری ایام چن ا سلیت ونسیت
اقسمت بسمچ یونسه إو شفت ونسیت
ابد قیرچ هوا مامر علیه ( ابویاسر )
💓💓💓
طول الیل انه احسبکم وعدکم
ابمحبتکم خلفتو انتم وعدکم
رظت کل ال اهل بیه وعدکم
منع وصلی او کثر همی علیه ( ابویاسر )
💓💓💓
عله ادیارک یولفی ابشوگ مریت
ابجفاک ایام یسری اشکثر مریت
مهی مره اجیتک انه مریت
ولا مره یحن گلبک علیه ( ابویاسر
💓💓💓
ابراسی فرگتک سوت سوادین
علیه اعطف فرد مره سوادین
ابعینی الدهر یا صاحب سوادین
سواء ال الم ولفرگا سویه ( ابویاسر )
ابیات ابوذیه الشاعر سمیر عباس الیاسری الدیراوی
( ابویاسر )
💓💓💓💓💓💓💓💓💓💓💓💓💓💓