هوسات بحق اعضاء الشورا
احب اهل الجزیره اوهمت الساده چلمتی منلگلب یا ناس محچیه .
یهاشم های زلم الی تشد احزام شنهو اترید گلی منلصلاحیه
خل تفرح ربعنه البیهه رفعت راس چثیره احیود عدهه اخلاص بل نیه
حی هاشم مرفوع الهامه

اجت اهل الجزیره الیوم ابشوگ اوفرح مسرورا
جزیره البیهم هیچ ابطال ابعون الباری معمورا
ارید امنل بطل عباس ابچفهم رایه منصورا
اتلاعبهه اوشامخ عنوانک

لاتخلی الروح تلعب خلی نفسک نفس افاضل
چلمه وحده ابصوت عالی گول اریدک یبن کامل
کل اهلنه الیوم صاحت حجی هاشم والله عاقل
جت گومک گوم اتلگاها

الف فدوا انروح لترابچ جزیره
آنتی ربیتی نشامه اوبیچ ناس العدهه قیره
کلمن ایعاند طریقچ یظل مایندل مسیره
ایظل مهموم اوتایه عنوانه

هله ابزودک یراعی الزود هاشم بیک الکفایه
اوحبیب البلکرم معروف تزهی ابچفه الولایه
امید الما یهابی الموت کلنه انصیر وفایه
للموت اویاکم مشایه

هله ابلمت اخوتی الیوم یل بیکم رفعت الراس
شدو احزام فوگ احزام اوذکرو رایت العباس
وگف وگفت شهامه البطل ماتنقاس
ثبت العالم وجدانه

آهنی اهل الجزیره ابفوز شورتنه
وگل هاشم عساها ادوم فرحتنه
المجموعه السبب یا ناس لمتنه
نتفاخر بسم السیاحی

یا هاشم دشد احزام کرسی المجلس ایتانیک
رقمن عل یخالف های تاج ابراسنه انخلیک
بیک الفخر بیک الطیب اوشهامه منل الذی مربیک
بیک افخر بیک ارفع راسی