باب السابع عشر ابیات ابوذیه سمیر عباس الیاسری الدیراوی 🌴🌿🌴🌿🌴🌿🌴🌿🌴🌿
بلهم
یدهری لیش تجبل علی بلهم
إو صفا مسکن دلیلی الیوم بلهم
یحیف الشیب زاد إو کثر بلهم
عله ال حنیت اله ماحن علیه . سمیر
من راح
وحق الی خلق هل روح من راح
وحب ریحا التجینی ابریح من راح
اهس عطرک یروح الروح من راح
السبب قل شوف عینی إو عم علیه . سمیر
ولعین
الخبر عندک یساه العین ولعین
اوبعدک صار بلدلال ولعین
شبه نار ابدلیلی الیوم ولعین
عله احباب الذی متمر علیه .سمیر
بلهم
ملوم الی یلوم الدهر بلهم
وحب مسکن دیاری اتصیر بلهم
اشکثر ما ون یعالم الم بلهم
عله احبابی إو زمانی خان بیه . سمیر
بیدای
اشکثر ما ون علیک الگلب بیدای
عله الی راح حیل اصفگت بیدای
انه الوننیت ونی صبح بیدای
اصیحن حیل محد رد علیه . سمیر
بیحیل
الگلب ماظل بعد یا ناس بیحیل
ولا شوف الدهر ویای بیحیل
یدهری حیل بل دلال بیحیل
اشوف اهل ملامه اتلوم بیه . سمیر
بیهم
اشکثر ما ون دلیلی اعلیک بیهم
عزل ناس ال تبدل حچی بیهم
عمامی الی رفعت الراس بیهم
فخر یبقون حد یوم المنیه . سمیر
هم بی
اشکثر همیت الک یفلان هم بی
اوعله مودک دلیلی صار هم بی
اخذ گلبی ابصراحا اوروح هم بی
اعله درب الشوگ بس لتخون بیه . سمیر
من های
نهیتک یاگلب عن های من های
او علیک الناس صاحت حیل من های
انه ا تمنیت گعده اویاک من های
اسولفلک عله ال وتو علیه . سمیر
ویانه
هله بلی قصد حینه ویانه
إو هله بلی ظحک سنه ویانه
اشکثر نار الهجر بیهه ویانه
احترگنه إو مانسینه آلبی حمیه . سمیر
ماتعدنه
اشعجب ویه التعدهم ماتعدنه
احنه اسنین صایر ماتعدنه. مات عیدنه
اشکثر بل حرب صبحت ماتعدنه
السبب ما ظل خوی ینقر لخیه . سمیر
و درنه
الدهر هدم منازلنه ودرنه
اشکثر احیود یاوسفه ودرنه
بده ایبدل ذهب عدنه ودرنه
مع العای اویحسبه اهوا سویه . سمیر
من راح
یاوسفه انحلت ولحیل من راح
إو ابد ما طب دیار الراح من راح
عرفت آلبی وفه یا صاح من راح
العطر عطر آل أخو المبعد علیه . سمیر
ولعین
الوفه عندک یبعد الروح ولعین
افراگک خله بلدلال ولعین
اشکثر لجلک ألوم الدهر ولعین
عله الواشی اشعمل ما عمل بیه . سمیر
ونشل
نحل جسمی عله الزینین ونشل
اشکثر اهموم گلبی الیوم ونشل
نشدت الدار وین البیچ ونشل
تگول آلبی وفه تحت الوطیه . سمیر

💗 💗 💗 💗 💗 💗 💗 💗 💗 💗