ابیات ابوذیه متفرقه عن لسان الشعرا والساتیذ الکرام
الذی ما یدرک المضمون بيتا
*مثل مر التجرعه وصعب بيتا*
الغبر لو بانی من یاقوت بیتا
*الیضیفه ایقل مقامه ویقل فیه*
🔥صادق الجواد الباوی🔥
یربی ادخیل تصویرک وجل لک
ابحبیبی الگتله اشیلنک وجل لک
خبرته ابلیل امر صوبک وجل لک
اجیته ومن وصلته اشلون جیه
ک۰راضی ابوسعیدالبوبیری۰
الما. بل.(ابل) سیر. اهله .ولا ابخیل.
ابصاحب ما عرض روحه ولا ابخیل.
کریم النفس ما ینظم ولا ابخیل.
یضم . روحه .ولا ینفع قضیه.
ک.راضی.ابوسعید البوبیری.یجل.القاری.
ضعیف الگلب یوم الهیج یا فیل
ولا یگدر یشل افتوگ یافیل
اشیاک من اهجمت علبیت یافیل
وصرت للطیر مرمی اعلی الوطیه
ک۰الشاعر راضی ابوسعیدالبوبیری
حشه القاری
العمامک لاتظم غبرا عدلهم..
و عدوک تجعله کلمن عدلهم..
ابمجالس لا تذم بیهُم عدلهم..
لون اکسور بیهُم بیک هیّه
ولید الفرهودی
روحی اتلوی ما اعرف شباها
او نیران القضا ابگلبی شباها
اخو البل ضیج ماینفع شباها
اسبیع سات بس بل الگص اذیه
سیدفری السلمان
هلي الما وصّف الواصف وصفهم
کواکب ربک الحطهم وصفهم
هلي یا مدرسة غیره وصفهم
درس عزه و سخه و شیمه و حمیه
ابو سعید البوبیری:
وحیاتک دوم الک ثابت خی انه
ابضیجک۰ و لعگل لجلک خ یانه
ابعزم الله فلا توجد خیانه
عندی ۰و لا خباثه اتدور بیه
ک۰راضی ابوسعیدالبوبیری
الشاعر المرحوم حمد العطیوی :
الخوه مو فشــــــگ الشـــداده البلکلایف ما یثور
الخوه سیف ازماط عزمی البات بضلوع الصدور
الخوه چانون ابدلیلی وگمگــم ابکتـــــــره الیفور
مهیوب ایدنک لدلاله
عــــــــــاگه او عبـــریتــــــه او علمیتــــه اوفای
علمته الرمی بسهــــــام واسهامه انبتن بحشای
یهل گاعد تعدی الروی هم حسب احساب الجای
من تضخن یاهو ایطب بیه
ابكل قیمه اشتری الصاحب وسعرای
و احـــط گلبی ابقضا لجله وسعرای
اریــــدنلی عــــدو فـــاهم وسعرای
و لا جــــــاهل صحیب او بی اذیه
طعم الریـــــــــج احس کل یوم بی مر
ابسبب شاف العریضی السلف بی مر
طبیعی الغبــــــر یحقد علا ال بی مر
جله ابسیــــفــــه الغبار امنل ثنیه
الرجل لا طول لا هیکل و لا مال
او یور الدهر لا غثّه و لا مال
ایشیل الحمل و ایوصله و لا مال
یدگ الباب و ایسلمه الخویّه
خلص وکت الچلل گل الحیایه اتسیب
و گل الشات یمرح لو توفه الذیب
الف یاحیف شخصک عن بلدنه ایغیب
اسهیل اعل البل و انته اعله النیبه
اكراب الدهر جوهرنه و سنا
اخینه و نعرف اطباعه و سنا
وحق احمد نبی الشیعه و سنا
الدهر و مكاربه عندی ابتحیه
صحیب الینفع الصاحب و شاله
یخیطله فتگ دهره و شاله
من الدیباج فصله و شاله
یگله الٌبس و نه راعی الحمیه
گلی اشألمک یا گلب شدهاک
ابألم لو من دوای الدهر شدهاک
جرح واحد و اگل للمحب شدهاک
شتی اجروح گلبی اعملن بیه
الم شملی ابعزم ربی وجمعه
ابفخر وبطیب احث خلی وجمعه
عطله ویوم المواصل وجمعه
ابتهانی وابعث اشواگ التحیه
ک۰راضی ابوسعیدالبوبیری
عسل ثغر الترف صدگ وحل بی
شفه جسمی وبگه صاحی وحل بی
الصدر یوم الدلع ذیجه وحل بی
طحت سکران مرمی اعلی الوطیه
ک۰راضی ابوسعیدالبوبیری۰
اخوي البيه ماحس حسبي الله
تركته وگمت اصيحن حسبي الله
بيه انه اشمعيدن حسبي الله
غلط مني وحسبته ابن ام اليه
ابوسكندر
*چبدتي افعال دهري ماردنهه*
*وخذن فرحت حياتي ماردنهه*
*خوه ابزور طبعي ماردنهه*
*اريد العنز ابذاته الخويه*
*ک.عبدالاميرالحميداوي*
ارماح الوکت حاطن ولهنادی
علیه ۰ او لا رفاگه ولهنادی
صرت لعبه ریاضه ولهنادی
ابدلیلی. ویدبچ الاعوب بیه
ک.راضی ابوسعید البوبیری۰
*الضمایر مابعد تصحه ابدهان*
*صعبه والصّعب ماظِن ابدهان*
*شخص الیفتهم مایوم ابدهان*
*الأهانه اطباع ابوذات الردیه**
(یجل القارئ)
✍ *سید کاظم السیدخلف الغرابی*
هل هل یادمع عینی هلاوین
انتلگه الضیف وانگله هلاوین
سفیه النشدخطاره هله وین
الیتم عدنه سنه انعدهه اضحویه
ک:عبدالحسن عبود الصلیحاوی
وحق. الی ابرحمته من علینه.
ابمطر. وجفاف ارضه من علینه.
اشما یجری. نقبله من علینه.
ابرحمته وما یقصر للبریه.
ک.الشاعر.راضی ابوسعید البوبیری
مخاطب.الله عزوجل فی رحمته للمطر
الحزن جر ثوبی ما یقبل یهدنای
وألم عافیتی والشامت یهدنای
نای یعوفنی ویرجع یهدنای
یعزفن حزن وأنه جروحی بیــه
ابو سعید البوبیری
علی لویی زمانی اعتقد حط لای
قهر۰ وبساف ظیمی ابجبر حط لای
کبست. نار حدر. الظلع. حط لای
ابعنف. .وعظای وسفه اگطعت بیه
.ک.الشاعر راضی ابوسعید البوبیری
ابو سعید البوبیری:
فخر کل طود شامخ عالی خالی
یضل۰ ولگلب کل عایل عالی خالی
وجودک یا نمودج عالی خالی
شرف ثلثین الی منک سجیه
ک۰راضی ابوسعیدالبوبیری
ابحق الخال ۰
گمت صوب الکفو النشمی بروحه
وگضینه العشرا بس راحه بروحه
الغبر لو احط روحی بروحه
غبر و یضل غبر و یضر خویه
الشاعر عباس الشریفات:
*احمولی هون چم نوبه ومالن*
*ولا مره انکسر عزمی ومالن*
*لا عون اطلبت منهم ومالن*
*اگطعو بحچایت اشلونک علیه*
*منقول عراقی*
سهمک غیر گلبی ابد ماصاب*
*وجفن عینک علی مادمع ماصاب*
*الی صب گهوا الی مرتین ماصاب*
*ابسبب رعشت ادیه مجفاک الیه*
*منقول عراقی*
*السان ابقولک العاصی نعم لا*
*وعمنه بس لهنه ابعز نعم لا*
*چلمتین الحچی کله نعم لا*
*النعم سهله قضیت اللا قضیه*
*الشاعر محمود الباوی*
*علی قار دهری ارداف ولحاگ*
*وصرت مابیه اگد الجسم ولحاگ*
*مدری الصدگ عدمن صار ولحاگ*
*اخطلط مفهومهن ضاعن علیه*
*خلف ابویوسف الحیدری*
*ابسلامه اتعنه ولفی بسلاما*
*اشوفه عود اردن بسلاما*
*ادیرن وجهی عنه بس سلاما*
*الیهیجنی ویرد الشوگ بیه*
*الشاعر العراقی مرتضی ابو ندم*
*عگبک ماغمض جفنی وسلهم*
*جفیت وزادت آلامی وسلهم*
*الجروح اتهیض کل لحظه وسلهم*
*ابذچرک یل ترد الروح لیه*
*✍سید کاظم السید خلف الغرابی*
رمل وطیح دارک #من_تبنهه}
المراجل منته ابوها #منته_ابنهه}
ترا اطلعها السوااااالف #من_تبنهه!
ساکت خلنی لیش اتعیل بیییییه❗
الشاعر عباس الشریفات
: امی اشگد علی تعبت تراها
ارحلت والعین ما نامت تراها
یشیال النعش لحظه تراها
خلینی اشم اریاح والدتی الزچیه
ک الشاعر محمد البراهیم ابوخلیل المراقی
*یهل تنشدنی وتسئل هلابیڪ*
*ارحب بیڪ اگللّڪ هلابیڪ*
*دمع شوگ النظر لاله هلابیڪ*
عله اخدودی ابفرح قدّم .تحیّه_
*✒....حسین البدری*
الك ياصاح بگليبي تهل بي
يبدري وبسمه شوقي تهل بي
وردمكتوب من عندك تهل بي
(عسل تنگط شفافك وصف ليّه)
✍🏻كاظم ابوعگالین الشمّری
ســـواجی التســگی الخوه کراهه
کثــــــر بیهه الخرب محد کراهه
من ارید احچی علی تطلع کراهه
امن ارید اسکت عتبهه ایرد علیه
✍🏻الشاعر: غلامعلي_الحمیداوي✍🏻
الفـتن يا حـيف چـم رگـبه كراهـه
اليتيـم اخـدود بدمـوعـه كراهـه
الناس ويّ الشـهـم صـنـعـة كراهـه
ويـبـغـضـون الـذي عـنده حـمـيـه
✍🏻 الشاعر: *ناصـر العـيسـاوي*✍🏻
(آل عيسی الطائيه)
الخوه ابهل وکت وسفه کروهه ابغدر واشطوط.. للفتنه کروهه احچی الحگ ولو تحصل کروهه السکت شیطان اخرس بلدنیه التمیمی حبیب الشیخ مذکوربراجعه
ــــــــــــــــــــــــــــــــــــــــــــــــ
وحق من هد علی الجیمه وکرها
صگور الهاجرت یصفر وکرها
اضد الینگل الچلمه وکرها
فتنی ۰ وکون تحرج عین ابیه
ابو سعید البوبیری:
حـده الحادی ابضعنهم راح مایه
وعلیهم سال دمع العین مایه
ششل بغیابهم یا جرح مایه
صارن بلدلیل اعملن بیه
ک سعیدلفته الحمیداوی
حده الحادی ابضعنهم راح مارد
وصرت لسهام هجر الترف مارد
مارید العمر بجفاک مارد
اموت ولا یمر فرگاک بیه
ڬ الشاعر احمد یعقوب مزرعه
حده الحادی ابضعنهم مایه لینه
وعجب قاسی گلبهم مایه لینه
عنهم لا تظن لحظه مایه لینه
اشیاهم هاجرو وگطعو بیه
ک،الشاعر ابوسعید البوبیری
حده الحادي ابضعنهم راح ماعاد
عليه وصبر بيهه الروح ماعاد
بعد بيام فرگه الولف ماعاد
اعدنه گمت ساعات المنيه
ك غانم التميمي
حده الحادي ابضعنهم ضال مابان
ابحـزن والظیـم ابـدا" فـرح مابان
البـنـه سـاس ابـرمـل دنیـاه مابان
ایتهدم کل کیانـه اعلا الوطیـه
ڬ مڪي ابـوارکان الخـزرجي
حده الحادي ابضعنهم راح لاوين
ومصايب ويه زينب حيف لاوين
صاحت يـابـوفاضـل والله لاوين
افتن كل صخر فوكَ الوطيـه
*ك مصطفى النجفي* ----------------------------------- جده حادی الظعینه صار متنه
علی اخوتنه ثلث موتات متنه
ریت اتشـوف یـاالعبـاس متنه
علی السجاد والونـه خـفـیــه
*حجی فرحان الکنانی* ــــــــــــــــــــــــــــــــــــــــــــــــــ حـده الحادی ابظعنهم وینه وینه
وخلــــیه ادار تســــمع وینه وینه
امس والیـــوم یفـــرق وینه وینه
اخت عباس مشــــــوها سبیــــه
کـ... محمدالزهیري ـــــــــــــــــــــــــــــــــــــــــــــــ حـده الحـادی ابضعنهم علمنا
سـرو ونـصـاب گلبـی علمنا
جـزاهه الله النـوایب....علمنا
بخوی الصح.من الذاته ردیه
ڬ احمدالحی ناصر ـــــــــــــــــــــــــــــــــــــــ حده الحادي ابضعنهم مر عليهم
وگلب زينب عليهم مر عليهم
يريت الطارش اسرع مر عليهم
ويخبره انسبت زينب ياشفيه
ڬ ابو فرات الحمداني ـــــــــــــــــــــــــــــــــــــــــــــــ
⚜من جد وجد،ومن زرع حصد⚜
حصد ڪلمن زرع محصول من جد
وجد مگیوله للأجيال من جد
كلام أهل الفهم مفروض من جد
(اشمتشتل خير هسه اتحش اذيّه)
✍كاظم ابوعگالین الشمّری
يـاچــف البـعـد بي حيل ياريل
وْوصلت آخرمحطّه وياك ياريل
عمري وحرت بامري ويورياريل
ســباني و ســوّد أيّامي عـلـيه
عظيم ابوتوفيق البوخنفر
ابعمرنه اشگد هوینه ، ما هوینه!
هَم ظَل أَثَر منّه ؟ ما هو وینه؟
هوینه و ما هوینه ما هوینه!!
هوانه اویه الهوا اتذَرَّه ابهِبیَّه!
مسلم المحسني
سوح الشوگ یسمر لجلک انته
فقط ۰ و روح تستر لجلک انته
صح طبعک یناهی لجلک انته
و ذا لجک جنهم ۰ جنه هیه
جدید۰ک۰الشاعر راضی ابوسعیدالبوبیری
جزیره شوگی ماتنشف محطها
وحدود اهل الوفه حایف محطها
ابخان الملح من طبعی محطها
ایدی۰ ولا اماشی الگطع بیه
۰راضی ابوسعیدالبوبیری
