باب أبيات ابوذيه ابو ياسر ( 1 )
اشکثر چنت افتخر بسمک ونادای
اوعلی قیم السمه چلچل ونادای
تعیش انته ابفرح یسمر ونادای
ابسبب فرگاگ صار اهموم بیه . أبو یاسر الیاسری
هلن یا عیونی دمع صبن
عله المجروح گلبا ابسهم. صبن
اسهام الدهر ابلب احشای صبن
بقت روحي العلیله اتحن علیه ابو یاسر الیاسری
صبح اکلف الم بل جسم یاصاح
إو حنین الموت لل دلال یاصاح
اشکثر مهیوب ایصیر البشر یاصاح
ابصداقا إو طیب یفخر للمنیه .أبو یاسر الیاسری
تدور الروح ماتلگا دو الهه
مشت وبراس دلالی دو الهه
احباب العافتک گلبی دو الهه
ا ترکهه اوخل سعیر النار بیه . أبو یاسر الیاسری
طریق الشوق مایملک نهایه
وحب امسح دمع عینچ نهایه
نهبت الگلب مایقبل نهایه
یگلی نهوتک عمت علیه ابو یاسر الیاسری
یگلبی حیل للزینین ... ونحیل ...
اوجسمی ذاب للخوان ... ونحیل
یا وسفه شملنه انفتل ... ونحیل
او بگا طشار منه ابکل نوییه .. ابو یاسر الیاسری
صبر ما ضل بعد عندی .. ولارای
او زود البحر ما همنی .. ولارای
انه الچنت الی چلمه ... ولارای
ترید اخذ نظر من الرعیه . ابو یاسر الیاسری
اهالی الشوق شط الشوق عبرت
وخذت امنل زمان اشکثر عبرت
الف ونه ابدلیلی إو الف عبرت
إو الف تنته تجی ابیوم المنیه.سمیرابو یاسرالیاسری
سرا دهری علیه اب الم ماهاد
الوجن لوج طفل الفگد ماهاد
اشوف اعدای دارت وخوی ماهاد
لچم جرحی اوبقت آلام بیه . سمیر ابو یاسر الیاسری
هملن یا عیونی ابندم هلن
اوبل یجری علینه ابفخر هلن
وکت عسری النوایب علی هلن
اقابل ولیصیر ایصیر بیه . أبو یاسر الیاسری الدیراوی
هله ابیوسف یشد الحیل بل حیل
إو رسول البل ظناقم شرک بل حیل
عادل ذخر لل کلفات بل حیل
اهالی الدیر بیهم کل وفیه. سمیر ابو یاسر الیاسری
ابدلیلی اسهام هجر المحب ماظن
وبچتلی احباب گلبی الیوم ماظن
ماظن ترجع ال ایام ماظن
وعاتبهم عله الی صار بیه .سمیر ابو یاسر الیاسری
الروح اتلوج وتعالج وکتهه
افراگ الزین شل حالی وکتهه
اشمرید اوگف دمع عینی وکتهه
علیکم یل مشیتو ابلا وصیه سمیر ابو یاسر الیاسری
اشمعنه المای یصعد گام علوای
وشمعنه الگاع لل یندفن علوای
نخیت الله وبو الحسنین علوای
یزیل اهموم گلبی ابهل دنیه. سمیر ابو یاسر الیاسری
أحب اتصیر یمنه ودیانه
رسایل شوگ الکم ودیانه
الفخر لل قدر الخوا ودیانه
أوبعدهم یرکع الرب البریه . سمیر ابو یاسر الیاسری
ابد ماظل حمل عل گاع منشال
أسهم الهجر بلدلال منشال
ماهمنی. .. من یمی منشال
اهمن بل وفی راح امندیه. سمیر ابو یاسر الیاسری
عسه دوم الفرح یا زین طبلاک
اوعسه دوم الوکت ینگظی طبلاک
عله عودک طربت اوعله طبلاک
اغنی ابشوگ کل صبح إو مسیه . سمیر ابو یاسر الیاسری
یجرحی اعله الدلیل امشیت وسریت
إو یگلبی المایمرک فرح وسریت
احترگ چانون گلبی ابجفه وسریت
اعله حبکم یل گطعتو الوصل بیه .سمیر ابو یاسر الیاسری
ا عجزت لا ظل علیه صبر لامال
إو حمل المایمیل الیوم لامال
انه الما ظیج من الیجی لامال
أمل بس من یمر شامت علیه .سمیر ابو یاسر الیاسری
تعیش انته ابفرح یسمر ونادای
اشعجب ماینسمع صوتی ونادای
الهجر قیم السمه صبح ونادای
السبب انتم گطعتو الوصل بیه .سمیر ابو یاسر الیاسری
شداوی یاجرح یا الم یادای
اصیح ابصوت راح الیوم یادای
گبل بل فرح مملی چان یادای
إو هسه آلام ظل یمطر علیه .سمیر ابو یاسر الیاسری
